Lajme - Ambasada e Republikës së Bullgarisë në Republikën e Shqipërisë

Në Ambasadën e Republikës së Bullgarisë në Tiranë u prezantua ekspozita “Bullgarët e Gollobordës”, kushtuar historisë, kulturës dhe jetës së përditshme të komunitetit bullgar në këtë krahinë të Shqipërisë. Eventi u hap nga Aleksej Zhalov – iniciatori dhe udhëheqësi i ekspeditave kërkimore në rajon, i cili ndodhet në Shqipëri me ftesë të Ambasadës së Bullgarisë. Gjatë vizitës së tij ai u rikthye sërish në Gollobordë, ku u takua me miq të vjetër, krijoi kontakte të reja dhe konfirmoi synimin për të vazhduar veprimtarinë e tij në mbështetje të komunitetit lokal.

Në periudhën 2–4 maj 2026, Ministria e Arsimit dhe Shkencës e Republikës së Bullgarisë, në bashkëpunim me Ambasadën e Republikës së Bullgarisë në Tiranë, organizoi një fushatë informuese në Republikën e Shqipërisë, në përputhje me Vendimin e Këshillit të Ministrave nr. 103/1993.

Në Ambasadën e Republikës së Bullgarisë në Tiranë u zhvilluan takime pune me pjesëmarrjen e përfaqësuesve të Dhomës Bullgare të Tregtisë dhe Industrisë (BTPP) dhe të Qendrës për Zhvillimin e Sipërmarrjes dhe Menaxhimin – Bullgari (CEED Bullgari), të realizuara në kuadër të projektit „Migrimi funksionalisht i qëndrueshëm dhe integrimi në Bullgari“ të zbatuar me mbështetjen e Ministrisë së Punëve të Brendshme dhe me bashkëfinancim nga Bashkimi Evropian.

Më 17 prill 2026, në Ambasadën e Republikës së Bullgarisë në Tiranë u zhvillua një veprimtari e organizuar me iniciativën e Shkollës Bullgare të së Dielës “Hristo Botev” – Tiranë, me rastin e përkujtimit të 150-vjetorit të Kryengritjes së Prillit.

Më 14 prill 2026, në Tiranë u zhvillua konferenca përmbyllëse e projektit “Nga Vizioni në Veprim – Përmirësimi i Shërbimeve për Fëmijët dhe Familjet në Bashkitë Durrës dhe Pustec”, i realizuar nga Qendra Shqiptare për Popullsinë dhe Zhvillimin (ACPD) me mbështetjen e Ndihmës bullgare për zhvillim.

Më 4 mars 2026, Ambasada e Republikës së Bullgarisë në Tiranë shënoi Festën Kombëtare të Bullgarisë – 3 Marsin – me një pritje, në të cilën ishin të pranishëm përfaqësues të institucioneve shqiptare, anëtarë të trupit diplomatik, politikanë, përfaqësues të biznesit, të qarqeve akademike dhe kulturore, të komuniteteve fetare, të shoqatave të minoritetit bullgar në Shqipëri, si dhe miq të Bullgarisë.

Ambasada e Republikës së Bullgarisë në Tiranë informon për iniciativën e dytë bullgare në Shqipëri, kushtuar riprodhimit të asistuar, e cila do të zhvillohet në periudhën 27 shkurt 2026 – 1 mars 2026 në Qendrën Mjekësore BMC në Korçë. Organizatori është „Fondacioni Kujtesa Bullgare“në partneritet me fondacionin „Dua bebe“ dhe me mbështetjen e Shoqatës për Miqësi Bullgaro-Shqiptare, Korçë. Edicioni i parë në nëntor 2025 provokoi interes jashtëzakonisht të madh dhe tregoi nevojën serioze për konsultime të tilla mjekësore. Ekipi përsëri do të drejtohet nga dr. Georgi Nikolov, drejtor i Qendrës Mjekësore „ReproBioMed“ – ekspert i njohur në fushën e shëndetit riprodhues dhe riprodhimit të asistuar. Do të konsultohen burra dhe gra me dyshime për probleme riprodhuese, duke u ofruar kujdes profesional dhe individual.

U inaugurua zyrtarisht impianti fotovoltaik në shkollën 9-vjeçare „Jusuf Puka“ në Durrës, i ndërtuar në kuadër të projektit „Time 4 Rin-Act“ të shoqatës „Udhëtim i Lirë – Liberi di Viaggiare“ dhe i financuar nga Republika e Bullgarisë përmes programit „Ndihma Zyrtare për Zhvillim“.

Në kuadër të projektit „Nxitja e përdorimit sistematik të qasjes administrative për të luftuar krimin e organizuar në Shqipëri“, të realizuar nga Qendra për Studimin e Demokracisë dhe Qeverisjes (CSDG) dhe të financuar nga „Ndihma Bullgare për Zhvillim“, u zhvilluan me sukses katër forume publike universitare në Elbasan, Vlorë, Durrës dhe Shkodër.

Qendra Shqiptare për Integrimin e Personave me Nevoja të Veçanta mbylli me një konferencë kombëtare projektin “Zhvillimi i ndërhyrjes në fëmijërinë e hershme në Shqipëri”, financuar nga Republika e Bullgarisë në kuadër të Programit për Ndihmë Zyrtare për Zhvillim. Konferenca paraqiti rezultatet kryesore të projektit dhe promovoi praktikat më të mira bullgare në ndërhyrjen e hershme për fëmijët me nevoja të veçanta. Theksi u vu mbi modelin e Fondacionit “Karin Dom” – Varna, i njohur si një nga më të suksesshmit në rajon, si dhe mbi Manualin e ndërhyrjeve në fëmijërinë e hershme, hartuar në bazë të shkëmbimit të përvojave gjatë vizitës së zhvilluar më herët gjatë vitit në Bullgari.