Më 1 Mars 2023, Ambasada e Republikës së Bullgarisë në Tiranë organizoi pritjen tradicionale me rastin e festës kombëtare të vendit - 3 Marsit.

Me një ceremoni përmbyllëse organizata joqeveritare "Udhëtim i Lirë - Liberi di Viagiare" prezantoi rezultatet e projektit "Zgjidhje natyrore për ruajtjen e pjalmuesve në serra dhe ekosisteme urbane" (“Nature-Based Solutions for the Conservation of Pollinators in Green house & Urban Ecosystems”) të financuar në kuadër të programit Ndihmë Zyrtare për Zhvillim. Një përfaqësues i fermave të përfshira në projekt shprehu mirënjohjen ndaj shtetit bullgar për financimin e ofruar. Sipas tij metoda e implementuar e pjalmimit me anë të bletëve pllenuese (të gjinisë bombus) ka ndikuar në rritjen e cilësisë dhe sasisë së prodhimit, si dhe në minimizimin e përdorimit të pesticideve.

Në një ceremoni solemne në Presidencën e Republikës së Shqipërisë më 20 shkurt 2023, Ambasadori i Jashtëzakonshëm dhe Fuqiplotë i Bullgarisë në Shqipëri Z. Ivaylo Kirov i dorëzoi letrat kredenciale Presidentit Bajram Begaj dhe mori zyrtarisht detyrën.

Drejtoresha ekzekutive e organizatës joqeveritare "Udhëtim i Lirë - Liberi di Viagiare" znj. Miranda Mansaku prezantoi rezultatet e projektit “Me ty për ty” ("With You 4 You") të zbatuar me ndihmën financiare bullgare në kuadrin e programit Ndihmë Zyrtare për Zhvillim. Sipas saj, salla e re e terapisë në Qendrën Ditore në Kavajë, si dhe metodat e reja të analizës së sjelljes përmes konsultimeve shtesë me psikolog, kanë qenë një ndihmë e rëndësishme si për vetë fëmijët, ashtu dhe për prindërit e tyre. Projekti ka kontribuar gjithashtu në shkëmbimin e përvojës dhe personelit midis qendrës në qytetin e Kavajës dhe institucioneve të tjera të tilla në qytetet e Durrësit dhe Tiranës.

Shoqata е Bullgarëve të Shqipërisë - Tiranë, me ndihmën e Ambasadës së Republikës së Bullgarisë në Tiranë, zbatoi një projekt për instalimin e ndriçimit diellor LED në fshatrat e rajonit të Gollobordës.

Ambasadori i Jashtëzakonshëm dhe Fuqiplotë i Republikës së Bullgarisë në Republikën e Shqipërisë z. Ivaylo Kirov, priti në një takim Kryetarin e bashkisë së Bulqizës, z. Lefter Alla. Ndër temat e diskutuara ishin mundësitë për përparimin ekonomik të rajonit me anë të projekteve për zhvillim Ishin përcaktuar fushat e mundshme të bashkëpunimit – sigurimi i kushteve bashkëkohore të mësimit, projektet infrastrukturore, zhvillimi i turizmit etj. Z. Alla theksoi se një pjesë e rëndësishme e bashkisë së tij është rajoni i Gollobordës, ku jeton pakica kombëtare bullgare. Në takim morën pjesë edhe përfaqësuesit e “Shoqatës Sportive Etno-Kulturore” - z. Razi Rama dhe z. Skender Rama. Kryetari i bashkisë Lefter Alla i bëri ftesë ambasadorit Kirov për një vizitë zyrtare në bashkinë Bulqizë në javët në vijim.

Shoqata "Bullgarët e Shqipërisë" nga qyteti i Elbasanit, me asistencën e Ambasadës së Republikës së Bullgarisë në Tiranë dhe Bashkisë së Kukësit, realizoi rinovime në shkollën e fshatit Borje. Me qëllim përmirësimin e kushteve të mësimit të më shumë se 100 nxënësve janë ndërruar dyert dhe dritaret e godinës dhe janë furnizuar soba të reja për ngrohje. Është siguruar dhe një printer multifunksional për nevojat e stafit të shkollës me qëllim lehtësimin e procesit të mësimdhënies.

Për korrespondencë me Zyrën Konsullore të Republikës së Bullgarisë në Tiranë mund të përdorni adresën elektronike si më poshtë:

Me një ceremoni në qytetin e Kukësit, i ngarkuari me punë në ambasadën e Republikës së Bullgarisë, z. Asen Pachev dhe kryetari i bashkisë së Kukësit, z. Safet Gjitsi inauguruan kopshtin Nr. 2 në qytet pas punimeve të rikonstruktimit. Rinovimi është bërë në kuadër të projektit "Integrimi i fëmijëve në procesin e edukimit dhe krijimi i një mjedisi të këndshëm për zhvillimin e tyre" të financuar nga programi i Republikës së Bullgarisë “Ndihma Zyrtare për Zhvillim”.

Me rastin e festave të Vitit të Ri, "Shoqata e të Verbërve dhe Personave me Aftësi të Kufizuara nga Minoriteti Kombëtar Bullgar në Shqipëri" shpërndau pako me ushqime për personat me nevoja të veçanta nga Golloborda.