Përfundoi me sukses projekti i financuar nga “Ndihma bullgare për zhvillim” “Nga Vizioni në Veprim – Përmirësimi i Shërbimeve për Fëmijët dhe Familjet në Bashkitë Durrës dhe Pustec”
16 prill 2026 Новини
Më 14 prill 2026, në Tiranë u zhvillua konferenca përmbyllëse e projektit “Nga Vizioni në Veprim – Përmirësimi i Shërbimeve për Fëmijët dhe Familjet në Bashkitë Durrës dhe Pustec”, i realizuar nga Qendra Shqiptare për Popullsinë dhe Zhvillimin (ACPD) me mbështetjen e Ndihmës bullgare për zhvillim.
Në aktivitet morën pjesë zëvendëskryetarja e Kuvendit të Shqipërisë znj. Klodiana Spahiu, kryetari i Bashkisë Pustec z. Pali Kolefski, drejtoresha ekzekutive e ACPD-së Dr. Elona Hoxha, ambasadori i Republikës së Bullgarisë në Shqipëri Sh. T. Ivaylo Kirov, si dhe përfaqësues të shërbimeve sociale, pushtetit vendor dhe sektorit civil.
Në fjalën e tij hyrëse, ambasadori Kirov theksoi rëndësinë e projektit për forcimin e institucioneve vendore, përmirësimin e politikave sociale dhe shkëmbimin e praktikave të mira midis Bullgarisë dhe Shqipërisë. Ai nënvizoi se, përveç rezultateve konkrete, projekti krijoi kontakte të vlefshme njerëzore dhe lidhje profesionale, që përbëjnë një bazë solide për bashkëpunimin e ardhshëm.
Projekti kontribuoi në:
- zhvillimin e politikave më të mira për fëmijët dhe familjet;
- forcimin e kapaciteteve të institucioneve vendore;
- shkëmbimin e praktikave të mira me ekspertë bullgarë;
- krijimin e lidhjeve të reja profesionale dhe njerëzore midis dy vendeve.
Bullgaria do të vazhdojë të mbështesë përpjekjet për përfshirje sociale, forcimin e vetëqeverisjes vendore dhe zhvillimin e qëndrueshëm në Shqipëri.
Допълнителни снимки
