Ambasadori Momchil Raichevski vizitoi Teatrin Kombëtar Eksperimental “Kujtim Spahivogli” në Tiranë me ftesë të drejtorit të tij Altin Basha. Gjatë takimit u diskutuan mundësitë për bashkëpunimin me teatrot në Bullgari. Drejtori Basha ftoi regjisorët bullgarë të vënë në skenë ndonjë prej shfaqjeve të tyre në hapësirën e teatrit eksperimental shqiptar. Ai vlerësoi nivelin e zhvillimit të artit teatral bullgar, duke theksuar se gjatë festivaleve të ndryshme rajonale ai është takuar me artistë bullgarë. Z. Basha tha se pandemia nga Covid-19 goditi rëndë teatrot në Shqipëri, pasi nuk jepen shfaqje për shkak të masave kufizuese.

Nga ana e tij, ambasadori Raytchevski mirëpriti dëshirën e shprehur për bashkëpunim me teatrot bullgare, duke propozuar që ai të realizohet në kuadër të marrëveshjes ekzistuese në fushën e kulturës midis dy vendeve. Ai prezantoi zhvillimin e artit teatral bullgar, si dhe masat e marra, falë të cilave jeta kulturore në vendin tonë vazhdon në forma të ndryshme, në përputhje me kufizimet që qëllojnë parandalimin e përhapjes së COVID-19.

Teatri Kombëtar Eksperimental “Kujtim Spahivogli” u krijua në Qershor 2014 në Tiranë dhe një nga qëllimet e tij kryesore është të prezantojë artistë të rinj dhe shfaqe teatrale të vënë në skenë në mënyrë moderne dhe inovative. Ai i ofron publikut dhe shfaqje për fëmijë dhe për adoleshentë. Vitet e fundit teatri ka bashkëpunuar me regjisorë nga Austria, Gjermania, Italia, Greqia, Kroacia, Rumania etj.