Ambasadori i jashtëzakonshëm dhe fuqi plotë i Republikës së Bullgarisë në Republikën e Shqipërisë Momchil Raychevki në takim me kryetarin e bashisë së Elbasanit Gletijan Latja  shqyrtoi mundësitë për zgjerim të bashkëpunimit  midis bashkisë së Elbasanit dhe bashkive bullgare sidomos në fushën e vetëqeverisjes vendore, integrimit evropian, turizmit dhe arsimit profesional. U diskutuan hapat e nevojshëm  për vendosjen e bashkëpunimit midis Qendrës së formimit profesional në Elbasan dhe shkollave profesionale bullgare si edhe mundësitë për punë në kuadrin e  projekteve të përbashkëta.

Kryetari i bashkisë së Elbasanit theksoi se në bashkinë e Elbasanit jetojnë një numër të konsiderueshëm shtetas shqiptarë me  prejardhje bullgare, që janë të realizuar me sukses dhe  shërbejnë si urë e natyrshme lidhjeje  midis Bullgarisë dhe Shqipërisë.

Ambasadori i jashtëzakonshëm dhe fuqi plotë i Republikës së Bullgarisë në Republikën e Shqipërisë Momchil Raychevki  u takua edhe me prefektin e prefekturës së Elbasanit  z. Maksim Malaj. Zoti Malaj falënderoi për reagimin urgjent të shtetit bullgar për dhënie ndihmë për shtetin shqiptar pas tërmetit shkatërrues në fund të nëntorit të vitit të kaluar. Ai shprehu  kënaqësisë në dy prej bashkive të prefekturës së Elbasanit me ndihmën falas  të shtetit bullgar në kuadrin e programit “ Ndihmë për zhvillim” aktualisht janë duke u realizuar dy  projekte  në interes të qytetarëve. U diskutua edhe  mundësia për vendosjen e bashkëpunimit midis emergjencave civile  në të dy vendeve me qëllim përgatitjen më të mirë të tyre për veprime në raste emergjence.